Në kontrollet e kryera javën e kaluar, shërbimet inspektuese të Agjencisë së Ushqimit dhe Veterinarisë gjobitën një mishtore në Shkup për shitjen e ushqimeve të pasigurta, një supermarket të Shkupit për të njëjtat arsye, por edhe për mos kryerjen e analizave laboratorike, si dhe një restorant në Manastir për shkak të shitjes së mishit të padeklaruar të llojeve dhe kategorive të ndryshme, vendosje të ushqimeve pa etiketa dhe shitje të ushqimeve të skaduara.
“Shërbimet inspektuese të Agjencisë së Ushqimit dhe Veterinarisë (AUV), krahas kontrolleve të rregullta inspektuese në përputhje me Planin Vjetor, kanë vazhduar edhe këtë javë me zbatimin e kontrolleve të përforcuara, të jashtëzakonshme inspektuese në të gjithë vendin. Gjobë prej 600 euro dhe 300 euro në denarë është shqiptuar një mishtore në Shkup për vendosjen në treg të ushqimeve të pasigurta, përkatësisht ushqimeve pa dhe me deklarime të palexueshme, si dhe për mos kryerjen e analizave të detyrueshme laboratorike”, njoftojnë sot nga AUV.
Nga Agjencia shtojnë se një supermarket i njohur i Shkupit është dënuar me gjobë prej 1000 euro për tarifa ligjore dhe 400 euro në denarë për personin përgjegjës për shitjen e ushqimeve të pasigurta – ushqimeve pa dhe me deklarime të palexueshme, moskryerje të testeve të detyrueshme laboratorike.
Në një aksion të koordinuar me Inspektoratin Shtetëror të Tregut, Drejtorinë e të Ardhurave Publike dhe Inspektoratin Shtetëror të Punës, dje AUV ka zhvilluar një inspektim të jashtëzakonshëm edhe në Manastir. Për shkak të shitjes së mishit të padeklaruar të llojeve dhe kategorive të ndryshme, vendosjes së ushqimeve të pamarkuara dhe shitjes së ushqimeve të skaduara, ndaj një lokali në këtë qytet është shqiptuar sanksion kundërvajtës dhe është nxjerrë vendimi për heqjen e mospërputhjeve të konstatuara.
AuV thekson se ushqimi i gjetur i pasigurt në masën preh 40 kilogramë është asgjësuar padëmshëm.
The post AUV gjobiti një mishtore, një market dhe një restorant për parregullsi në punën e tyre appeared first on Telegrafi.
