Gjatë ditës së djeshme, rreth orës 21.45, në lagjen “Ilindenska” në afërsi të një lokali, nëpunësit policor nga Sektori për Punë të Brendshme Tetovë, kanë arrestuar A.R(38) nga Republika e Shqipërisë, Sh.I(28)nga Haraçina dhe B.T(32) nga Shkupi.
Gjatë kontrollit që është kryer në automjetin e tyre me targa të Shqipërisë, në bagazh është gjetur sasi e madhe e marihuanës, ndërsa të tre personat janë mbajtur në Stacioni policor në Gostivar.
Gjatë mbrëmjes, me urdhër paraprak nga gjykata, në orët e hershme të mëngjes prej 02.45 deri 04.00, është kryer bastisje në banesën e A.R, me ç’rast është gjetur dhe konfiskuar, 2 valixhe të mëdha udhëtimi me marihuanë, një çantë me marihuanë, peshore digjitale dhe makinë elektrike për paketim të marihuanës. Më masë totale është gjetur 40 kg marihuanë.
Pas dokumentimit të plotë të rastit, kundër tre personave do të ngritet padi penal për veprën “prodhim dhe shitje e palejuar e lëndëve narkotike dhe substancave psikotrope” e dënuar me Kodin penal, sipas nenit 215.
The post Arrestohet shpërndarësi i drogës në Gostivar, policia i gjen 40 kg marihuanë appeared first on Telegrafi.