Qytetarët dhe kompanitë në Maqedoninë e Veriut tani mund të pajisen me vërtetime për mosdënim plotësisht online, përmes portalit shtetëror të shërbimeve elektronike uslugi.gov.mk, njoftoi ministri i transformimit digjital, Stefan Andonovski.
Disa nga shërbimet që tashmë mund të kryhen përmes metodës online.
Njoftimi i plotë:
“Në kuadër të shërbimeve të reja digjitale, tashmë janë të disponueshme:
Vërtetimi nga evidenca penale për persona fizikë
Vërtetimi nga evidenca penale për persona juridikë
Këto dokumente janë pjesë e paketës së më së shumti kërkuar të vërtetimeve gjyqësore për mosdënim dhe mund të merren pa pasur nevojë të pritet në sportele apo arkiva.
Paketa për mosdënim përfshin gjithashtu edhe:
Vërtetimin nga evidenca e dënimeve
Vërtetimin nga regjistri i ndalesave për ushtrim profesioni, veprimtarie ose detyre”.
Ministri i transformimit digjital, Stefan Andonovski tha se ky zhvillim është një hap drejt modernizimit të shërbimeve publike dhe lehtësimit të qasjes së qytetarëve dhe bizneseve në dokumentacionin e nevojshëm ligjor.
The post Andonovski prezanton disa nga shërbimet elektronike përmes të cilave qytetarët mund të pajisen me dokumente appeared first on Telegrafi.
