Aleanca për Shqiptarët (ASH) ka reaguar ndaj deklaratave të Kryeministrit Zoran Zaev në lidhje me futjen e gjuhës serbe si lëndë zgjedhore në programet mësimore në RMV.
Kjo parti shprehet se nuk është kundër ndonjë gjuhe, por e konsideron absurde dhe paradoksale një zhvillim të këtillë.
ASH-ja rikujton se në fushatën zgjedhore, Zaevi kishte kërkuar votën e shqiptarëve, duke premtuar gjuhën shqipe si lëndë zgjedhore për maqedonasit.
Kritika adresojnë edhe te lideri i BDI-së, Ali Ahmeti, i cili, sipas tyre, në fushatë premtoi gjuhën shqipe si lëndë të detyrueshme për maqedonasit, nga klasa e pestë fillore./Telegrafi/
The post Aleanca për Shqiptarët kritikon Zaevin dhe Ahmetin në lidhje me futjen e gjuhës serbe si lëndë zgjedhore në RMV appeared first on Telegrafi.