Familjari i të dënuarve në rastin “Monstra”, Bedri Ajdari, ka reaguar ndaj vendimit të gjykatës me të cilin u dënuan me burg tre pjesëmarrës të protestave për rastin “Monstra”.
Ajdari thotë se shqiptarët dënohen me burg, ndërsa maqedonasit me kusht për të njëjtat vepra.
“Gjykata per protestuesit e 26 Shkurt 2021 Drejtesi per rastin “Monstra”, solli nje vendim politik, jo gjyqsor, duke i denu me nga nji vit burg protestuesit per pjesmarrje ne turme dhe duke ua caktu masen e paraburgimit 60 ditor deri ne plotfuqizimin e Vendimit gjyqsor.
Per protestuesit para Parlamentit kishte denim me kusht sepse ata jane “nashi”!, dhe ka kush u del zot…. Gjykatat e “Besa & Dojde Zhivot”, per tjeret nuk kemi as cka flasim,
gjithcka tha Artani.!”, ka shkruar Ajdari në Facebook.
Ndryshe, protestat u organizuan më 26 shkurt, pasi në rigjykimin e lëndës, të akuzuarit për rastin “Monstra” sërish u dënuan me dënime drakonike nga Gjykata Penale e Shkupit./Telegrafi/
The post Ajdari: Protestuesit maqedonas dënohen me kusht, kurse shqiptarët me burg appeared first on Telegrafi.