Nga partia Alternativa njoftojnë se Afrim Gashi ka dhënë dorëheqje nga funksioni i kryetarit të kësaj partie.
Nga atje thonë se Gashi do të kandidojë për kryetar të Kuvendit të RMV-së.
Në mbledhjen e fundit të Kuvendit Qendror të Alternativës, të mbajtur të enjten (më 23 maj 2024), mes tjerash, u diskutua edhe kandidatura e Afrim Gashit për kryetar të Kuvendit të Republikës së Maqedonisë së Veriut. Për shkak se kushtetuta e RMV-së, neni 67 i saj, e përcakton se kryetari i kuvendit republikan nuk mund të jetë edhe kryetar ose funksionar i një partie politike, Afrim Gashi ka dhënë dorëheqje nga detyra e kryetarit të Alternativës dhe nga të gjitha funksionet e tjera të partisë.
Para kësaj, konform statutit të Alternativës, kryetari Afrim Gashi e ka autorizuar nënkryetarin Bekim Sali që t’i kryejë detyrimet formale të partisë deri në zgjidhjen përfundimtare të temës së kryetarit të Alternativës”, thuhet në njoftimin e partisë Alternativa./Telegrafi/
The post Afrim Gashi jep dorëheqje nga funksioni i kryetarit të Alternativës appeared first on Telegrafi.