Zvicra do të ngrijë të gjitha asetet e kriptove të mbajtura brenda kufijve të saj e që janë në pronësi të rusëve dhe bizneseve të vendit që kanë sanksione të vendosura nga BE.
Këshilli federal tha të premten se synonte sërish të përputhej me gamën e fundit të sanksioneve të vendosura nga Brukseli ndaj Moskës për luftën e saj në Ukrainë, duke shtuar se do të përfshijë edhe dispozitën e kundër kriptomonedhave.
Zvicra është bërë vitet e fundit një nga qendrat më të mëdha në botë për asetet financiare të bazuara në blockchain.
Një zyrtar i lartë në ministrinë e financave tha se ishte thelbësore të ndërmerrej një hap shtesë kundër aseteve të kriptomonedhave, sepse vendi donte të “mbronte integritetin” e industrisë së tij të kriptomonedhave.
Advertisement
