Një fermer në Belgjikë “trazoi” gjërat pasi padashje lëvizi kufirin me Francën.
Një i apasionuar pas historisë ishte duke ecur në pyll kur vuri re se guri që shënonte kufirin midis Belgjikës dhe Francës ishte zhvendosur 2.29 m.
Fermeri belg, me sa duket i mërzitur nga guri në rrugën e traktorit të tij, e kishte zhvendosur atë brenda territorit francez.
Në vend që të shkaktojë trazira ndërkombëtare, incidenti është pritur me buzëqeshje në të dy anët e kufirit.
“Ai e bëri Belgjikën më të madhe dhe Francën më të vogël, nuk është një ide e mirë. Unë isha i lumtur, qyteti im ishte më i madh”, tha David Lavaux, kryetar i fshatit belg Erquelinnes, për mediat franceze.
Autoritetet lokale belge po planifikojnë të kontaktojnë fermerin për t’i kërkuar atij që ta kthejë gurin në vendin e tij origjinal. Nëse kjo nuk ndodh, çështja mund të përfundojë në Ministrinë e Jashtme belge, e cila do të duhet të thërrasë një komision kufitar franko-belg.
Lavaux vuri në dukje se fermeri gjithashtu mund të përballet me akuza penale, nëse nuk arrin të rregullojë gabimin.
