Administrata e Ushqimit dhe Barnave (FDA) jep “OK” për vaksinën e prodhuar nga Pfizer dhe BioNTech kundër koronavirusit. Sipas FDA, kjo vaksinë garanton mbrojtje të fortë kundër COVID-19 brenda 10 ditëve pas marrjes së dozës së parë.
Vaksina Pfizer konsiderohet e sigurt dhe efektive 95%. Për të siguruar këtë efektivitet, ekspertët thonë se duhet të merren dy doza në një periudhë prej tri javësh. Sipas tyre, vaksina funksionon mirë, pavarësisht gjinisë, peshës apo moshës së vullnetarëve. Teksa nuk u identifikuan efekte anësore serioze të shkaktuara nga vaksina, shumë pjesëmarrës përjetuan dhimbje dhe ethe.
Të enjten, Komiteti Këshillimor i Vaksinave në FDA do të diskutojë mbi këto të dhëna përpara votimit nëse rekomandohet miratimi i vaksinës Pfizer dhe BioNTech.
