Frika u konfirmua: vaksina kundër Covid-19 e BioNTech/Pfizer është rreth dy të tretat më pak e efektshme kundër mutacionit të virusit të Afrikës së Jugut. Sidoqoftë, vaksina është ende në gjendje të neutralizojë virusin, sipas studimit laboratorik, i cili është botuar në “New England Journal of Medicine” (https://www.nejm.org/doi/full/10.1056/NEJMc2102017?query = featured_home Aktiviteti Neutralizues i Serumit të Elicited BNT162b2 – Raporti Paraprak).
Varianti tepër ngjitës, i cili nga specialistët njihet me shkurtesat B1.351 ose 501Y.V2, është zbuluar deri tani në më shumë se 30 vende, përfshirë edhe Gjermaninë.
Në fillim të shkurtit, Afrika e Jugut pezulloi përkohësisht vaksinat e planifikuara me vaksinën AstraZeneca sepse, sipas një studimi, vaksina thuhet se mbron vetëm 20 përqind kundër variantit të koronavirusit të Afrikës së Jugut.
Studimi i dytë solli zhgënjim
BioNTech / Pfizer kishte paraqitur një studim në janar(https://www.biorxiv.org/content/10.1101/2021.01.27.427998v1 Neutralization of SARS-CoV-2 spike 69/70 deletion, E484K, and N501Y variants by BNT162b2 vaccine-elicited sera), në të cilën numri i antitrupave ishte zvogëluar pak, kështu që kompanitë farmaceutike menduan se vaksinat e tyre do të funksiononin edhe kundër mutacioneve të reja.
Për studimin e ri, studiuesit e BioNTech/Pfizer, së bashku me Degën Mjekësore të Universitetit të Teksasit (UTMB), konceptuan një virus të manipuluar që korrespondon me variantin e Afrikës së Jugut. Në laborator, ata zbuluan se testet me gjakun e njerëzve të vaksinuar prodhuan vetëm një të tretën e antitrupave neutralizues.
Deri tani nuk ka pasur studime klinike me pacientë, por bashkëautori i studimit, Profesor Pei-Yong Shi nga Dega Mjekësore e Universitetit të Teksasit, beson se një e treta e antitrupave janë të mjaftueshëm për të parandaluar të paktën rrjedhat e rënda të sëmundjes.
Nevojitet përshtatja e vaksinave
Edhe nëse efektiviteti zvogëlohet, vaksinat ekzistuese mund të vazhdojnë të përdoren, sepse deri tani varianti i Afrikës së Jugut nuk ka qenë në gjendje të kapërcejë mbrojtjen e vaksinimit.
Por duke pasur parasysh mutacionet agresive që përhapen me shpejtësi, zhvillimi i një vaksine të përshtatur të ARN-së tashmë është në zhvillim e sipër midis prodhuesve të vaksinave. Edhe AstraZeneca, GSK dhe CureVac e njoftuan këtë.
Sipas themeluesit të BioNTech, Uğur Şahin, zhvillimi i një përshtatjeje ose përforcimi të tillë zgjat vetëm disa javë,por testimi, miratimi, prodhimi, shpërndarja dhe injektimi do të duan muaj./DW
