Taktikat e Rusisë për rekrutim ushtarësh janë nga më të ndryshmet. Së fundmi, një nga universitetet më të mira të Rusisë ka njoftuar se do të financojë arsimin për veteranët e luftës në Ukrainë dhe familjet e tyre.
Nikita Anisimov, kreu i Shkollës së Lartë të Ekonomisë në Moskë, tha se institucioni do të arsimojë falas veteranët e atij që iu referuar si operacionit special ushtarak.
Anisimov shtoi se universiteti do të ofrojë programe arsimore për fëmijët dhe të afërmit e atyre që shërbyen në luftë, ndërsa kostoja do të mbulohet e gjitha nga universiteti.
Vendimi i HSE gjithashtu lejon studentët nga universitetet e tjera shtetërore të transferohen, me kusht që të plotësojnë çdo boshllëk në programet akademike.
Skema vjen në krye të dekretit presidencial që më parë prezantoi një kuotë të veçantë, duke rezervuar 10% të vendeve të pranimit për fëmijët e pjesëmarrësve të luftës, sipas deklaratës.
Në prill, presidenti rus Vladimir Putin nënshkroi një dekret për krijimin e një fondi për të ofruar ndihmë financiare, ligjore, mjekësore dhe të tjera për ushtarët që luftojnë në Ukrainë dhe familjet e tyre.
