Udhëheqësi i Hamasit, Yahya Shinuwar u largua nga Gaza veriore në fillim të luftimeve me Izraelin, duke u fshehur në një kolonë ndihmash të drejtuar nga jugu, njoftoi transmetuesi shtetëror Kan, duke cituar një zyrtar izraelit.
Sinwaru largua nga qyteti i Gazës dhe u drejtua për në Khan Younis të Gazës jugore me një automjet që ofronte “ndihmë humanitare”, thuhet në raport, duke shtuar se detaje më të sakta rreth automjetit nuk janë dhënë në këtë moment.
Sipas Izraelit, Sinwar ndodhet ende në Khan Yunis, ose më mirë në një nga tunelet që kalojnë nën qytet.
New blog post: “Who is Yahya Sinwar – Hamas leader Israel claims to have trapped in a bunker?” Learn more about the man dubbed the ‘butcher of Khan Younis’ and the recent developments surrounding him. #HamasLeader #Israel #YahyaSinwar
Read here: https://t.co/xULGZcqC0O pic.twitter.com/rq3td4PkRwAdvertisement— TOP X News (@TOPXNews) November 9, 2023
Kush është Yahya Sinwar
Yahya Sinwar konsiderohet organizatori kryesor pas masakrës së 7 tetorit që shkaktoi konfliktin e fundit dhe aktualisht është njeriu më i kërkuar i Izraelit.
Sinwar u dënua në vitin 1989 për vrasjen e dy ushtarëve izraelitë dhe katër palestinezëve dhe u dënua me katër burgime të përjetshme.
Ai shërbeu 22 vjet përpara se të lirohej në vitin 2011 si pjesë e një marrëveshjeje të shkëmbimit të të burgosurve në të cilën një ushtar izraelit i kapur u shkëmbye me më shumë se 1000 palestinezë.
Micha Kobi, një ish-oficer i inteligjencës në agjencinë izraelite të sigurisë Shin Bet, i cili mori në pyetje Sinuar në vitin 1989, i tha Financial Times se ai dikur mburrej se kishte detyruar një anëtar të Hamasit, vëllai i të cilit dyshohej për spiunazh, “të varroste të gjallë vëllanë e tij”.
Gjatë burgimit, Sinwar iu përkushtua studimit të armikut të tij, duke mësuar hebraisht dhe duke lexuar veprat e sionistëve të hershëm, si dhe të politikanëve izraelitë.
Pesëmbëdhjetë vjet pas vuajtjes së dënimit, ai dha një intervistë në hebraisht në televizionin izraelit në të cilën ai bëri thirrje për një armëpushim midis Izraelit dhe Hamasit.
Pasi u kthye në Gaza, Sinwar u ngjit shpejt në radhët e Hamasit dhe u emërua lider në vitin 2017. Ai i mbijetoi një atentati pas rizgjedhjes së tij në vitin 2021./vizionplus.tv
