U burgos përjetë se vrau të miturën në Angli/ Shqiptarja kishte kërcënuar edhe një vajzë tjetër

Nga hetimet e kryera për krimin makabër të ndodhur në Angli, rezulton se shqiptarja Eltiona Skana kishte kërcënuar edhe një vajzë tjetër.

Ministria e Shëndetësisë pohoi javën e kaluar se personeli mjekësor e dinte që Skana kishte kërcënuar më parë një vajzë 13-vjeçare teksa ishte e armatosur me thikë.

Por ky incident nuk u përfshi në vlerësimin e saj të rrezikut dhe ata që monitoronin situatën e gruas në komunitet, nuk ishin në dijeni të rrezikut.

Vlerësimi i saj ishte bërë vetëm muaj përpara se t`i merrte jetën vogëlushes së pafajshme. Eltiona Skana i mori jetën me thikë një 7-vjeçareje në park.  Për krimin makabër ajo u dënua me burgim të përjetshëm disa ditë më parë.