Ekipi ligjor i presidentit i shteteve të bashkuara të Amerikës Donald Trump ka dorëzuar një peticion në Gjykatën Supreme për të kundërshtuar vendimin e gjykatës e lartë ne Wisconsin, i cili hodhi poshtë pretendimet e presidentit për vjedhjen e votave në zgjedhjet e 3 nëntorit.
Kreu i shtëpisë së bardhë në një postim në twitter është shprehur se të gjithë prisnin të ishte ai fituesi para se zgjedhjet te manipuloheshin.
“Zgjedhjet Presidenciale u manipuluan me qindra mijëra fletëvotime, që hidheshin natën vonë në Shtetet e Swing. Pasi të gjithë menduan se zgjedhjet i fitova unë kishte shumë veprime të tjera mashtrimi dhe parregullsish të cilët tregonin diçka tjetër.”
Ndërkohë president i zgjedhur, Joe Biden, në një konferencë për shtypë , duke mos bërë komente për betejën ligjore të Trump, kritikoi administratën e tij për ritmin e shpërndarjes së vaksinave COVID-19
“Ndërsa kisha frikë dhe paralajmëruar prej kohësh, përpjekja për shpërndarjen dhe administrimin e vaksinës nuk po përparon siç duhet. Kthimi i kësaj do të marrë kohë. Ne mund të mos shohim përmirësim derisa të jemi në mars, pasi do të duhet kohë që plani ynë i përgjigjes COVID të prodhojë progres të dukshëm,”
Kjo deklaratë erdhi pasi zyrtarët pranuan se ishte vështirë për të përmbushur qëllimin për shpërndarjen e 20 milionë vaksinave deri në fund të muajit.