Kandidati republikan për zgjedhjet presidenciale në Shtetet e Bashkuara të Amerikës, Donald Trump gjatë një interviste për Reuters ka deklaruar se nëse do të fitojë, do t’i ofrojë një post në qeveri ose një rol këshillues në administratën e tij manjatit Elon Musk.
Trump shtoi se ky propozim do të kishte vlerë vetëm nëse Musk do ta dëshironte një gjë të tillë.
Nga ana tjetër përgjigja e Musk nuk vonoi shumë. Me anë të një postimi në platformën X Musk tha se ishte i gatshëm për këtë post.
“Unë jam gati të shërbej”, ka thënë pronari i X dhe Tesla-s.
Advertisement
Elon Musk e ka shfaqur hapur mbështetjen e tij për Donald Trump, madje ai financoi edhe fushatën e kandidatit republikan për zgjedhjet e ardhshme të nëntorit./vizionplus.tv
