Presidenti amerikan, Donald Trump, është tepër entuziast pas lëshimit në hapësirë të anijes kozmike të SpaceX.
Ai falënderoi astronautët e Crew Dragon, si dhe themeluesin e kompanisë “SpaceX”, Elon Musk, për suksesin e misionit.
Sipas kreut të shtetit amerikan, Musk është dikush që “mishëron me të vërtetë etosin amerikan”, duke ndërmarrë një rrezik për themelimin e kompanisë së tij.
“Ai mund të kishte shpenzuar pasurinë e tij duke bërë asgjë. Por, në vitin 2002, ai filloi të derdhi dhjetëra miliona dollarë të parave të tij në kërkime dhe zhvillime për një raketë të re.”
Trump përgëzoi Musk-un për përmbushjen e një ëndrre dekadash, pasi lëshime nga toka amerikane nuk ka pasur që nga pensionimi i anijes hapësinore në 2011. Kështu SpaceX bëhet kompania e parë private amerikane që dërgon njerëz në hapësirë pas nëntë vitesh.
“Siç thuhet shpesh, nuk mund të jesh numri një në Tokë nëse jeni numri dy në hapësirë. Ne nuk do të jemi numri dy askund.”, tha Trump, i cili kritikoi gjithashtu administratën e Barack Obama-s për dështimin e saj për të bërë më shumë në hapësirë.
“Kur erdha për herë të parë në detyrë, tre vjet e gjysmë më parë, NASA kishte humbur rrugën e saj, kishte humbur eksitimin, energjinë dhe ambicien, siç e dinë pothuajse të gjithë në këtë dhomë” – tha Trump, citon Space News.
Ai e konsideroi industrinë komerciale të hapësirës si të ardhmen.
