Një tren ka dalë nga shinat pas goditjes së një automjeti në jug të Hungarisë të martën, 5 prill, duke lënë të vdekur dhe të plagosur disa persona, ka thënë policia.
Ky aksident ka ndodhur pak para orës 07:00 të mëngjesit në qytezën Mindsent. Policia ka thënë se një furgon ka kaluar mbi binarë dhe është bllokuar më pas nga treni, i cili ka dalë nga binarët nga fuqia e përplasjes.
Autoriteti shtetëror i hekurudhave në Hungari, ka thënë përmes një deklarate se të gjithë personat e vdekur kanë qenë duke udhëtuar në furgon.
Në deklaratë është thënë se 22 pasagjerë kanë qenë në tren në kohën e përplasjes. Dy njerëz janë lënduar rëndë dhe tetë të tjerë kanë plagë të lehta.
Sipas raportimeve të pakonfirmuara nga faqja lokale e lajmeve, delmagyar.hu, shtatë njerëz kanë vdekur./R.E.L