Sulmet raketore me shënjestër zonat e banuara kanë shënuar të paktën14 viktima, sipas përditësimit më të fundit nga autoritetet vendase.
Zyrtarët ukrainas deklaruan se dy trupa të tjerë u nxorrën nga rrënojat e një ndërtese banimi në qytetin Uman.
“Që nga ora 11:50, trupi i një personi tjetër u hoq nga rrënojat e një ndërtese banimi”, tha shërbimi i emergjencës shtetërore të Ukrainës në aplikacionin e mesazheve Telegram. Zyra e shtypit e Ministrit të Punëve të Brendshme të Ukrainës tha më vonë se një trup tjetër ishte gjetur.
Operacioni i kërkimit në Uman vazhdon.
Presidenti ukrainas Volodymyr Zelensky tha më herët se një ndërtesë apartamentesh në Uman ishte shkatërruar dhe shumë të tjera ishin dëmtuar para agimit të së premtes.
Zelensky dënoi ashpër sulmin ndaj civilëve dhe theksoi se përgjegjësit do të marrin dënimin e merituar.
