Një sulm vetëvrasës ka shkaktuar terror në Pakistan. Të paktën nëntë policë kanë humbur jetën dhe 16 persona të tjerë janë plagosur si pasojë e sulmit. Mediat vendase raportojnë se numri i viktimave mund të rritet pasi tetë nga të plagosurit janë në gjendje kritike.
Ky sulm është vazhdimësi i disa të tjerëve ku organizata të ndryshme sulmojnë policinë. Asnjë nga organizatat nuk ka pranuar ende autorësinë e këtij sulmi.
Zona në të cilën është kryer sulmi është Balochistani. Kjo zonë është një provincë e madhe, e varfër dhe pak e populluar e Pakistanit, në kufi me Afganistanin dhe Iranin.
Banorët e saj akuzojnë autoritetet se po vjedh resurset natyrore duke lënë vendin e varfër. Policia është shpesh shënjestër e sulmeve nga grupet kryengritëse lokale ose talebanët pakistanezë. Për vite me radhë ka qenë skenë e konflikteve të dhunshme ndërmjet grupeve të ndryshme etnike dhe fetare.
