Dy persona janë sulmuar me thikë mbrëmjen e së mërkurës në qytetin Bordeaux të Francës.
Ata u dërguan me urgjencë në spital ku njëri u konstatua i vdekur, ndërsa i dyti ndodhet në spital në gjendje kritike për jetën.
Policia ka mbërritur menjëherë në vendngjarje dhe ka arritur të lokalizojë autorin, të cilin e kanë qëlluar për vdekje.
Sipas informacioneve të gazetës Le Figaro, autori i sulmit dhe viktimat ishin emigrantë nga Afrika e Veriut.
Advertisement
Policia franceze nuk po e lidh incidentin me terrorizmin, raporton rrjeti TV BFM.
Përpara Lojërave Olimpike të kësaj vere, autoritetet franceze janë vënë në gatishmëri të lartë. /vizionplus.tv
