Mbrojtja e ofruar nga dy doza të vaksinave Pfizer ose AstraZeneca fillon të zbehet brenda gjashtë muajsh, sipas një hulumtimi të fundit. Në “rastin më të keq”, mbrojtja mund të bjerë nën 50 për qind për të moshuarit dhe punonjësit e kujdesit shëndetësor deri në dimër, zbuloi analiza e nga të dhënat e aplikacionit “Zoe COVID”.
Doza e Pfizer ishte 88 për qind efektive në parandalimin e infeksionit Covid-19 një muaj pas dozës së dytë, por kjo ra në 74 për qind pas pesë deri në gjashtë muaj, një rënie prej 14 pikë përqindje në katër muaj.
Me vaksinën AstraZeneca, kishte një mbrojtje kundër infeksionit prej 77 për qind një muaj pas dozës së dytë. Kjo u ul në 67 për qind pas katër deri në pesë muaj, duke treguar një rënie prej 10 pikë përqindjeje gjatë tre muajve.
Rezultatet e studimit, i cili mori të dhëna nga më shumë se 1.2 milion pjesëmarrës, do të intensifikojnë thirrjet për një fushatë vaksinimi përforcuese të vjeshtës për të ndihmuar në parandalimin e një rritje të rasteve dhe shtrimeve në spital. Disa vende kanë vendosur se do të ketë fushata nxitëse.
Në fillim të këtij muaji, administrata e Biden njoftoi se vaksinimet me dozën e tretë se do të jenë në dispozicion për shumicën e të rriturve amerikanë nga shtatori.
Izraeli tashmë ka administruar dozën përforcuese për ata mbi moshën 50 vjeç pas një rritje të rasteve. Tim Spector, shkencëtari kryesor i studimit tha se ky skenar mund të nënkuptojë shtimin e shtrimeve në spital.
“Ne duhet urgjentisht të bëjmë plane për vaksinat booster dhe bazuar në burimet e vaksinave, të vendosim nëse një strategji për të vaksinuar fëmijët është e arsyeshme.
Mbrojtja e ulët nuk është arsye për të mos u vaksinuar. Vaksinat ende ofrojnë nivele të larta mbrojtjeje për shumicën e popullatës, veçanërisht kundër variantit Delta, kështu që ne ende kemi nevojë për sa më shumë njerëz të jetë e mundur për t’u vaksinuar plotësisht,” shpjegon Spector.
The Independent
