Qindra zjarrfikës të mbështetur nga helikopterët zjarrfikës u përpoqën të shuajnë dy zjarre pyjore në lindje të Spanjës që prej ditës së djeshme, me shumicën e vendit në alarm të kuq për rrezikun e vapës dhe zjarreve.
Një zjarr në Benasau në rajonin e Valencias detyroi shërbimet e urgjencës të nxitojnë për të evakuuar disa qindra banorë nga shtëpitë e tyre si masë paraprake. Zjarrfikësit vlerësuan se zjarri po përparon pas përpjekjeve gjatë gjithë natës.
Një tjetër zjarr, në provincën Thuenca në brendësi, ka djegur më shumë se 1500 hektarë bimësi që nga dita e djeshme. Të dy zjarret janë cilësuar si të rënda.
Shërbimi meteorologjik AEMET parashikoi për ditën e sotme një temperaturë maksimale prej 43 deri në 44 gradë Celsius në disa pjesë të vendit, ndërsa dita e sotme konsiderohet si dita më e nxehtë e valës së të nxehtit, ndërsa Ministria e Brendshme paralajmëroi një rrezik shumë të lartë ose ekstrem nga zjarri në të gjithë vendin.
AEMET njoftoi se observatori Barcelona-Fabra në Katalonjë dje regjistroi temperaturën e tij më të lartë ndonjëherë prej 40 gradë Celsius, duke thyer rekordin e mëparshëm prej 39.8 gradë Celsius të vendosur në 1982.
Kjo është vala e tretë e të nxehtit që godet Spanjën në dy javët e fundit. /vizionplus.tv
