Sonila Meço ka reaguar me dhimbje për shembjen e godinës së teatrit.
Ajo pranon që opozita dështoi me mbrojtjen e kauzës.
“Dështuam! Na fyen, denigruan, na rropën dhe na thyen brinjët
“Në monizëm, pa parlament kushtetues, pa gjykata, pa sindikata, pa referendume, pa zgjedhje.
Na fyen, denigruan, dhunuan, burgosën, na lanë pa bukë, na helmuan, na sëmurën, na vodhën, na rropën, na shembën, na shuan kujtesë, na poshtëruan, na thyen brinjë, na lanë pa punë, na vranë, shkatërruan, rropatën, na shitën, na izoluan, na shfarosën, na çmendën, përdhosën, sulmuan e nënshtruan!
Ndodhte në vitin 2020, në një vend europe, fqinj me Bashkimin Europian, plot me ambasadorë të huaj e organizma ndërkombëtarë, shtet unitar pa konflikte etnike, në kohë pandemie.”
Tekst nga libri i historisë së klasës së shtatë, tetë, nëntë, shkollës së mesme dhe fakultetit të histori-filologjisë 2120, si dhe nga epitafi i baballarëve të kombit.
Rasti ende studiohet nga Universitetet elitare botërore prej akademikësh, antropologësh, psikologësh, laureatësh çmimesh Nobel”, nënvizon Sonila Meço. (TemA)
