Një grup shkencëtarësh danezë dhe zviceranë zbuluan aksidentalisht ishullin më verior në botë gjatë një ekspedite në brigjet e Grenlandës.
Grupi prej gjashtë shkencëtarësh, duke punuar me objektin kërkimor të Stacionit Arktik në Grenlandë, fillimisht menduan se kishin mbërritur në Oodaaq, një ishull i zbuluar për herë të parë nga një ekip sondazhi danez në 1978. Në realitet, ata ishin në një ishull të pazbuluar 780 metra në veriperëndim të Oodaaq, sipas Reuters.
“Nuk ishte qëllimi ynë për të zbuluar një ishull të ri,” tha Morten Rasch, eksplorues dhe kreu i objektit kërkimor të Stacionit Arktik.
“Ne thjesht shkuam atje për të mbledhur mostra”.
Ishulli i vogël është pika më e afërt e tokës me Polin e Veriut dhe është rreth 30 metra në gjerësi.
Grupi e përshkroi ishullin si një “tufë me baltë dhe zhavorr të rrethuar nga akulli i detit nga të gjitha anët”.
Shkencëtarët duan që ishulli të quhet Qeqertaq Avannarleq, që do të thotë “ishulli më verior” në Grenlandë.
