Pas 33 ditësh trajtimi, një 100-vjeçare u shërua nga koronavirusi. Ajo quhet Anna dhe është nga Italia, e cila për më shumë se një muaj luftoi kundër koronavirusit dhe më pas fitoi sfidën.
Nonna Anna, në fillim të nëntorit, kishte pasur kontakt me një person pozitiv. Pas testit serologjik, ajo doli e prekur me COVID.
Ajo mbeti vetëm në shtëpi, por gjithmonë e monitoruar falë një kamere të instaluar pranë shtratit të saj. Nipërit e mbesat e saj i sillnin asaj ushqim për drekë dhe darkë.
Shtëpia e saj është dezinfektuar dhe për disa ditë fëmijët, nipërit dhe mbesat kanë mundur të kthehen për të gjetur sërish në gjendje të mirë “gjyshen Anna” të tyre të dashur, e cila i mbijetoi luftës, gripit spanjoll dhe tani edhe Covid.
Advertisement
