Administrata e presidentit amerikan Donald Trump ka njoftuar Kongresin dhe Organizatën e Kombeve të Bashkuara se SHBA-të po tërhiqet zyrtarisht nga Organizata Botërore e Shëndetësisë.
Mediat amerikane shkruajnë se data e tërheqjes do të jetë në korrik të vitit të ardhshëm.
Presidenti amerikan kishte paralajmëruar më herët tërheqjen e SHBA-ve nga OBSH. Ai e ka kritikuar vazhdimisht Organizatën Botërore të Shëndetësisë për trajtimin e pandemisë, dhe që nuk i ka njoftuar shtetet në kohë që kur koronavirusi u shfaq për herë të parë në kinë.
Senatori demokrat Robert Menendez në komitetin e marrëdhënieve me jashtë me anë të një postimi në tëitter tha se kongresi ka pranuar kërkesën për tërheqjen e SHBA-ve nga OBSH, në mesin e një periudhe që vendi po përballet ashpër me pandeminë.
Organizata botërore e shëndetit ndërkohë nuk ka reaguar ende për vendimin e administratës amerikane.
The post SHBA tërhiqet nga OBSH/ Vendimi vjen pas kritikave të Trump për menaxhimin e pandemisë appeared first on Vizion Plus.