Shtetet e Bashkuara kanë rihapur kufijtë për udhëtarët ndërkombëtarë të vaksinuar, duke i dhënë fund ndalimit 20-mujor të udhëtimit, në të njëjtin moment që Evropa po lufton me një rritje të rasteve të Covid-19, duke e çuar kontinentin e vjetër sërish në epiqendrën e pandemisë.
Udhëtarët e vaksinuar plotësisht nga 33 vende, duke përfshirë Mbretërinë e Bashkuar dhe pjesën më të madhe të Evropës, tani mund të hyjnë në SHBA pa pasur nevojë të karantinohen, me kusht që të kenë prova të vaksinimit dhe një test viral negativ.
Familjet dhe miqtë e ndarë që nga fillimi i pandemisë u panë në aeroportet e qyteteve kryesore evropiane të hënën në mëngjes, të emocionuar që panë të dashurit për herë të parë që kur ish-presidenti Donald Trump vendosi kufizime të ashpra udhëtimi, në fillim të pandemisë në një përpjekje për të kontrolluar virusin.
Por përtej këtyre skenave të lumtura është një sfond më i errët. Evropa është në kontrollin e një vale të re të rasteve të koronavirusit. Organizata Botërore e Shëndetësisë javën e kaluar duke paralajmëruar se rajoni është përsëri “në epiqendrën” e pandemisë.
Zona të mëdha të Evropës po luftojnë për të mposhtur valët e variantit Delta, mes lehtësimit të kufizimeve dhe përhapjes së vaksinave në disa vende. OBSH-ja ka paralajmëruar se gjysmë milioni evropianë mund të vdesin me Covid-19 nga një dimër shkatërrues.
Gjermania regjistroi të hënën shkallën e saj më të lartë të incidencës shtatë-ditore që nga fillimi i pandemisë. Në të njëjtën ditë, Austria fqinje ndaloi personat e pavaksinuar nga restorantet dhe hotelet për shkak të rritjes së rasteve. Islanda gjithashtu ka rifutur maskat dhe rregullat e distancimit social pas rritjes së infektimeve. Dhe rastet po shkojnë në nivele rekord në Rusi, Ukrainë dhe Greqi.
