Rusia njoftoi sot se ka pushtuar një tjetër fshat në Ukrainën lindore, ku forcat e saj kanë fituar gradualisht terren prej muajsh, pa arritur deri më tani ndonjë sukses të madh.
Njësitë e forcave jugore “çliruan fshatin Ivano-Darivka…dhe pushtuan pozicione më të favorshme”, njoftoi Ministria ruse e Mbrojtjes në raportin e saj të përditshëm.
Ky fshat i vogël, i cili kishte vetëm disa dhjetëra banorë para luftës, ndodhet në rajonin e Donetskut (Lindje), në juglindje të qytetit të Siverskut.
Forcat ruse kanë iniciativën në front pas dështimit të kundërofensivës së madhe ukrainase në verën e vitit 2023 dhe kapjes së Avdiivkës në shkurt.
Advertisement
Ata po përballen me një ushtri ukrainase me më pak njerëz, municion dhe armë. /vizionplus.tv
