Rusia ka përdorur pesë nga raketat e saj të reja supersonike Zircon për të sulmuar Kievin që nga fillimi i vitit, tha komanda ushtarake e kryeqytetit ukrainas.
Raketat det-tokë Zircon kanë një rreze veprimi prej 1000 kilometrash dhe udhëtojnë me shpejtësi nëntë herë më shumë se shpejtësia e zërit, sipas Moskës. Sipas analistëve ushtarakë, shpejtësia supersonike e Zirkon mund të nënkuptojë një reduktim të madh të aftësisë së reagimit të sistemeve të mbrojtjes ajrore dhe aftësisë për të goditur objektiva të mëdhenj, të thellë dhe të fortë.
Vladimir Putin konfirmoi gjatë fjalimit të tij vjetor më 29 shkurt se Rusia përdori raketa Zircon në Ukrainë, pa specifikuar se çfarë lloj objektivash u goditën. Ai i përfshiu këto raketa në një gjeneratë të re të sistemeve të pakrahasueshme të armëve.
Administrata e Kievit njoftoi gjithashtu se që nga fillimi i vitit 2024, qyteti është goditur edhe nga gjashtë lloje të tjera raketash, mes tyre edhe Kh-101, një raketë lundrimi ajër-tokë (113 janë lëshuar deri më sot). Rusia lëshoi gjithashtu 11 raketa Kinzhal, një sistem tjetër i armëve hipersonike, kundër kryeqytetit ukrainas këtë vit.
