Porti Kherson i Detit të Zi, në rajonin jugor të Ukrainës, u bë qyteti i parë i madh që ra nën kontrollin e plotë të forcave ruse të mërkurën raporton New York Times.
“Nuk ka ushtri ukrainase këtu,” tha Igor Kolykhaev, kryebashkiaku i qytetit. “Qyteti është i rrethuar.”
Trupat ruse fillimisht iu afruan qytetit të premten dhe hasën në rezistencë të madhe. Të shtunën, ata shkatërruan një digë në rajon që Ukraina kishte ndërtuar në vitin 2014 për të ndërprerë një burim të rëndësishëm uji për Krimenë.
Forcat ukrainase u tërhoqën në perëndim drejt Mykolaiv-it, tha zoti Kolykhaev. Forcat ruse ka të ngjarë të shkojnë atje në udhëtimin e tyre për në Odessa.
Genadi Trukhanov, kryebashkiaku i Odessa, i mbështetur nga vlerësimet e ushtrisë së Ukrainës, tha të mërkurën se qëllimi i Rusisë ka të ngjarë të rrethojë Odesën me forca tokësore dhe detare, duke ndërprerë aksesin e Ukrainës në Detin e Zi dhe lidhjen kryesore të vendit me ekonominë globale.
“Ndjenja ime është se ata do të rrethojnë Odesan dhe do ta mbajnë atë pozicion ndërsa vazhdojnë sulmin e tyre ndaj Kievit,” tha z. Trukhanov.
Rreth 260 milje në lindje të Khersonit, forcat ruse gjithashtu kanë rrethuar qytetin port të Mariupolit nga toka dhe deti dhe kanë bombarduar infrastrukturën kritike dhe objektivat civile, sipas Institutit për Studimin e Luftës. Marrja e Mariupolit do të lejonte forcat ruse në jug të bashkohen me separatistët e mbështetur nga Rusia në lindje, duke izoluar trupat ukrainase në rajon.
