Agjencia e lajmeve “Reuters” nisi raportimin live pa koment nga sheshi “Maidan” që prej mbrëmjes së 15 shkurtit.
Kjo, në kuadër të paralajmërimeve të inteligjencës amerikane se e mërkura do të ishte dita e sulmit të trupave ruse.
Për t’i dhënë më shumë qetësi situatës reale në kryeqytetin e Ukrainës mendoi një qytetar i cili ngriti një pankartë me dron në drejtim të kamerës.
Në pankartën prej kartoni reklamohej shitja e “stallës” së tij së bashku me kashtën e grumbulluar.
Poshtë shkrimit në gjuhën ukrainase gjendej dhe numri i personit që përfitoi nga ky moment për të reklamuar falas ofertën e tij.
Më shumë se 1 mijë persona e dëshmuan live këtë moment të këndshëm në mesin e një situate të tensionuar prej kohësh.
16 shkurti
Presidenti i Ukrainës, Volodymyr Zelensky, në një dalje publike do të deklaronte se situata është nën kontroll dhe autoritetet janë në gatishmëri.
Zelensky njoftoi se data 16 shkurt do të shpallej “Dita e Unitetit” për ukrainasit. Ndryshe nga çfarë u paralajmërua.
Kështu – për të – Ukraina do të festojë dhe nuk është e shqetësuar.
“Nuk është hera e parë që Ukraina kërcënohet me luftë, por vendi ynë është më i fortë se kurrë”, shtoi kreu i presidencës.
Sipas gjigandit gjerman mediatik, “Der Spiegel”, 16 shkurti, ishte dita e caktuar për mësymjen ruse.
Nga burimet diplomatike të Shtëpisë së Bardhë, një sërë detajesh të tjera janë zbuluar gjatë një takimi të mbajtur, me në vëmendje konfliktin Moskë-Kiev.
Janë disa diplomatë dhe zyrtarë ushtarakë, ata të cilët kanë thënë se disa detaje janë dhënë në takimin sekret.
Por, prej tyre, i vetmi që arriti të dalë në dritë, është fakti se frika është e madhe për një pushtim rus ndaj Ukrainës.