Përmbytjet katastrofike në rajonin e Detit të Zi kanë shkaktuar të paktën 44 viktima ndërsa ka ende persona në kërkim. Rrëshqitjet e tokës dhe vërshimet e ujit kanë lënë gjurmë tragjike sidomos në provincën e Kastamonu dhe Sinop.
Autoritetet turke kanë dërguar më shumë se gjashtë mijë punonjës në terren për të ndihmuar banorët pasi dhjetëra ndërtesa e ura janë shkatërruar plotësisht. Evakuimi është ndërlikuar në kushtet kur shumica e rrugëve janë përmbytur.
Presidenti Erdogan i ka shpallur rajonet e prekura nga përmbytjet, zona fatkeqësie dhe ka deklaruar se Turqia do të rimëkëmbet shumë shpejt edhe pse është goditur nga dy katastrofa brenda një muaji.
Rreth 3 mijë persona janë evakuuar dhe disa janë shpëtuar përmes helikopterëve. Ekspertët shprehen se ndërhyrjet në shtretërit e lumenjve dhe ndërtimet pa leje, kanë hapur rrugën që Turqia të pësojë dëme masive nga vërshimet.
Ndërsa shkencëtarët ngrejnë alarmin për veprimtarinë e pakontrolluar njerëzore që po shkakton ndryshime ekstreme të klimës.
