Ndërsa Bashkimi Europian po shqyrton konkretizimin e pasaportës së gjelbër dixhitale e cila pritet të arrihet brenda pak muajsh, Qipro është vendi i parë në kontinent që hap kufijtë për të vaksinuarit.
Nga data 1 Maj, të gjithë turistët britanikë që kanë marrë të dyja dozat e injeksionit, nuk do tu nënshtrohen kufizimeve., shkruan Vizion Plus.
SAVVAS PERDIOS
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";MINISTER I TURIZMIT, QIPRO
“Do të lejohen britanikët të cilët janë vaksinuar me produktet e miratuara nga Agjencia Europiane e Barnave. Ata nuk do të kenë nevojë për një test negativ ose karantinë por është kusht që dozën e dytë ta kenë marrë të paktën shtatë ditë para udhëtimit.”
Deri më tani Komisioni Europian ka miratuar vaksinat Pfizer-BioNTech, Oxford-AstraZeneca dhe Moderna ndërsa po shqyrtohet edhe vaksina ruse, Sputnik 5.
Qiproja tashmë ka arritur një marrëveshje të ngjashme edhe me Izraelin, duke hapur kufijtë për turistët nga data 1 Prill.
Ndërkohë, vaksina kundër COVID-19 do të jetë e detyrueshme edhe në Arabinë Saudite, për ata që dëshirojnë të kryejnë ritualin e Haxhit.
Në vitin 2020, mbretëria uli në mënyrë dramatike numrin e pelegrinëve të lejuar për të marrë pjesë në Haxh në rreth 1.000 shtetas sauditë nga më shumë se dy milionë njerëz që zakonisht marrin pjesë çdo vit.