Sipas gazetës britanike Mirror, një zyrtar qipriot i shëndetësisë ka konfirmuar se dy persona kanë vdekur nga goditja e të nxehtit.
Ishulli u godit nga temperatura rekord për muajin qershor, me mbi 40 gradë në disa vende.
Një grua 84-vjeçare vdiq një ditë pasi u shtrua në spital të premten, tha zëdhënësi i Agjencisë Shtetërore të Shërbimeve Shëndetësore, Charalambos Charilaou. Ai shtoi se tre pacientë të tjerë të moshuar mbeten në gjendje të rëndë.
Kjo vjen pasi zjarret vazhdojnë të përhapen nëpër pjesë të ishullit, me erërat e forta që pengojnë gjithashtu përpjekjet e zjarrfikësve për të shuar flakët.
Lajmi vjen pas raportimeve se një grua 91-vjeçare vdiq të premten në Qipro, pasi temperaturat arritën në 45 gradë Celsius. Parashikimi bëri që ishulli të lëshonte alarmin e parë të kuq për nxehtësinë ekstreme këtë verë, me temperaturën rekord 10 gradë mbi mesataren sezonale të Qipros, përfundon Mirror. /vizionplus.tv
