Një burrë bëri një akt të pamenduar teksa luante një lojë me një mik dhe përfundoi duke e vrarë sepse ata nuk ishin dakord nëse “pula e bëri vezën apo veza pulën”.
Independent shkruan se ngjarja ka ndodhur në Indonezi, ku viktima është 47-vjeçari Kadir Marcus dhe autori është një burrë me iniciale D.R.
Sipas raportit, D.R. e ftoi Marcus në shtëpinë e tij për të shlyer një borxh. Aty u ulën duke pirë dhe i pari shtroi një sërë gjëegjëzash. Kur erdhi momenti që 47-vjeçari t’i përgjigjej pyetjes nëse “pula e bëri vezën apo veza pulën”, ai nuk ishte dakord me të akuzuarin.
Më pas ka ndodhur një përleshje e ashpër dhe viktima është larguar nga shtëpia. Megjithatë, D.R. e ndoqi atë në biçikletën e tij dhe e goditi me thikë për vdekje.
Ai tani është arrestuar dhe nëse shpallet fajtor, përballet me 18 vjet burg. /vizionplus.tv