Edhe këtë fundjavë nuk kanë munguar protestat kundë masave kufizuese në disa vende të botës. Kështu ka nisur kjo e diel në Bruksel, ku qindra persona kanë pushtuar parqet duke sfiduar paralajmërimet e autoriteteve.
Dhjetra qytetarë janë arrestuar ndërsa polcia ndërhyri me gaz lotsjellës dhe mjete të tjera, për të shpërndarë turmat.
Ndërkohë në Paris, protestat që nisën një ditë më parë në ditën ndërkombëtare të punëtorëve, vijuan me pakënaqësitë mbi menaxhimin e pandemisë. Ashtu sic pritej, në kryeqytetin francez pati përplasje me oficerët dhe arrestime.
Skena kaotike edhe në Berlin. Rreth 5 mijë protestues pushtuan rrugët ndërsa disa prej tyre dogjën disa objekte, hodhën fishekzjarre, shishe dhe gurë.
Demonstrata u zhvilluan gjithashtu në disa qytete të tjera gjermane, përfshirë Hamburg dhe Leipzig, pavarësisht se vendi po përballet me një valë të tretë të pandemisë.