Pele, i pikëlluar për humbjen e Maradonës: Shpresoj që një ditë të luajmë bashkë në qiell

Ylli brazilian i futbollit Pele shprehu këtë të mërkurë dhimbjen që shkaktoi tek ai lajmi për vdekjen e mikut të tij të madh Diego Maradona.

Në mesazhin dedikuar ndarjes nga jeta të legjendës së futbollit, tregoi se sa e trishtuar është që të ‘humbasësh miqtë në këtë mënyrë’.

“Çfarë lajmi trishtues. Unë sot humba një mik të madh, ndërsa bota një legjendë. Ka akoma shumë për të thënë, por tani për tani, Zoti u dhëntë forcë anëtarëve të familjes. Një ditë, shpresoj që të luajmë me top së bashku në qiell.”

Diego Maradona vdiq nga një sulm në zemër të mërkurën, në moshën 60 vjeç.