Shërbimi Sekret Amerikan po përpiqet të rrisë sigurinë përpara tubimit të parë të fushatës së ish-presidentit Donald Trump pas atentatit të ndodhur pak ditë ditë më parë.
CNN raporton se siguria rreth mitingjeve dhe ngjarjeve të ardhshme të Trump është duke u rimenduar tërësisht, duke përfshirë vendin ku duhet të mbahen, qoftë brenda apo në vende më të sigurta në natyrë.
Rritja e sigurisë pasqyron disa vlerësime të reja nga forcat e zbatimit të ligjit që nga të shtënat, thanë zyrtarët e njohur, duke përfshirë shqetësimin për një incident të mundshëm pas atij të parit.
“Ne ndihmojmë Shërbimin Sekret. Ne thjesht ofrojmë ndihmë”, deklaroi një zëdhënës i zyrës së sherifit për CNN, duke shtuar se Shërbimi Sekret po drejtonte të gjitha planifikimet e sigurisë për tubimin.
Aparati i sigurisë rreth Trump ka ndryshuar tërësisht ditët e fundit, duke përfshirë edhe zbatimin e ligjit lokal./vizionplus.tv