Organizata bamirëse “Save The Children” paralajmëron se gati 70,000 fëmijë në Afrikën nën-Sahariane janë në rrezik të vdesin nga uria ekstreme para fundit të këtij viti.
Ajo thotë se pandemia COVID-19 po shton presionet me të cilat përballen disa familje dhe komunitete në aksesin e ushqimit.
Organizata shton se tashmë po trajton një numër të madh të fëmijëve që vuajnë nga kequshqyerja në klinikat e saj në Afrikën Lindore dhe Jugore.
“Save the Children” thekson se masat e bllokimit kanë bërë që familjet në kontinent të përballen me një rënie serioze të jetesës së tyre pasi ushqimi po bëhet gjithnjë e më i vështirë për tu gjetur ose thjesht është shumë i shtrenjtë.
Sipas analizës organizatës, mbi 67,000 fëmijë mund të vdesin si rezultat i kësaj në vitin 2020.
Ky paralajmërim vjen pas atij të bërë nga Programi Botëror i Ushqimit i Kombeve të Bashkuara për rritjen e niveleve të urisë në të gjithë botën për shkak të koronavirusit.
The post Pandemia “lë pa ngrënë” 70 mijë fëmijë në Afrikë appeared first on Vizion Plus.