Kryeministri i Kanadasë Justin Trudeau ka marrë pjesë në protestat kombëtarë kundër racizmit. I ulur në gjunjë krah protestuesve, Trudeau i dha një mesazh presidentit Donald Trump dhe mbarë botës: “Kanada mbron fuqishëm të drejtat e njerëzve, pavarësisht ngjyrës apo përkatësisë etnike”.
Me një maskë të zezë mbrojtëse, për shkak të pandemisë dhe rrethuar nga truprojat e tij, Trudeau u shfaq në protestën përpara parlamentit, me mesazhin kryesor “Jo drejtësi-jo paqe”. Demonstrata u mbajtën edhe në qytetet e tjerë kanadeze, përfshirë edhe Toronton ndërsa mijëra vetë marshuan në rrugë në nder të George Floyd, të vrarë 11 ditë më parë nga policia në Minesota.
Kryeministri Trudeau u ul 3 herë në gjunjë, bashkë me protestuesit, një gjest që është përdorur këto ditë për të protestuar kundër brutalitetit policor ndaj komunitetit afro-amerikan. Ai u largua kur pjesa tjetër e protestuesve nisën të marshojnë përpara ambasadës amerikane, shumë pranë godinës së parlamentit.
