Vdekja në Rripin e Gazës e Hid Rajab , një vajze të re palestineze , lutjet e së cilës për ndihmë tronditën të gjithë botën, mund të përbëjë “një krim lufte “, thanë sot ekspertët e OKB-së.
“Vrasja e 5-vjeçares Hid Rajab, familjes së saj dhe dy punonjësve të një ambulance mund të përbëjë një krim lufte”, nënvizohet në një deklaratë për shtyp nga këta ekspertë, të cilët e konsiderojnë “të papranueshëm” pretendimin izraelit se asnjë ushtar nuk ishte aty pranë në kohën e ngjarjes.
Ambasada izraelite në Gjenevë nënvizoi, në një deklaratë për shtyp, se hetimi për këtë incident tani është në duart e një mekanizmi të pavarur brenda ushtrisë izraelite. Megjithatë, ekspertët vlerësojnë se mungesa e një hetimi të duhur dhe identifikimi i përgjegjësve, pesë muaj pas ngjarjeve, është thellësisht shqetësues dhe mund të përbëjë në vetvete shkelje të së drejtës për jetës.
Ekspertët, të cilët janë të autorizuar nga Këshilli i Kombeve të Bashkuara për të Drejtat e Njeriut, megjithatë nuk flasin në emër të organit ndërkombëtar.
Dy vullnetarë nga Gjysmëhëna e Kuqe Palestineze u vranë gjithashtu.
“Brutaliteti i këtyre vrasjeve duket se pasqyron shkallën në të cilën ushtria ka harruar të gjithë përmbajtjen në fushatën e saj në Gaza: çdo rast i vrasjeve jashtëgjyqësore duhet të jetë objekt i një hetimi të duhur dhe i justifikuar”, nënvizuan ekspertët.
Nga ana e saj, ambasada sqaron se përfundimet e hetimit do t’i paraqiten prokurorit të përgjithshëm të ushtrisë izraelite , i cili do të përcaktojë se çfarë masash do të merren./vizionplus.tv
