Organizata Botërore e Shëndetit është shprehur se në këtë moment, kërcënimi më i mad hi njerëzimit nuk është virusi Covid 19.
Sipas OBSH, mungesa e një lidershipi dhe solidariteti global është ajo që po i shkakton popujve anë e mbanë globit problemet më të mëdha.
Vetëm ditën e sotme është shënuar numri më i lartë i rasteve të reja në një ditë të vetme me 183 mijë persona të prekur nga Coronavirus.
Pjesa më e madhe janë në Brazil, të ndjekur nga Shtetet e Bashkuara dhe India, shkruan BBC.
Koreja e Jugut është prekur nga vala e dytë e virusit, kanë bërë me dije zyrtarët ditën e sotme, edhe pse numri i infektimeve ka rënë. Ndërkohë Franca ka njoftuar rihapjen e kinemave, pishinave dhe qendrave sportive.
Në të gjithë botën u konfirmuan dje zyrtarisht 9 milionë raste me 467 mijë vdekje.
