Organizata Botërore e Shëndetësisë ka ngritur shqetësimin e se vendet e pasura mund të blejnë shumë vaksina dhe të lënë pa doza vendet e varfra.
Në një deklaratë OBSH thotë se kjo situatë mund të krijohet për t’u mbrojtur nga varianti i ri i Covid, i cili po përhapet me shpejtësi në shumë vende të botës.
Ky shqetësim ngrihet në një kohë kur në shumë vendetë pasura po aplikohet doza e tretë, ndërsa në vendet e varfra qytetarë nuk kanë marrë ende asnjë dozë.
Studimet tregojnë se vaksinat nuk janë shumë efektive ndaj varianteve të reja, por sipas kërkimeve nga Pfizer/BioNTech treguan se doza e tretë jep një mbrojtje edhe ndaj Omicron.
Por sërish OBSH thotë se administrimi i dozave të para duhet të jetë prioriteti. Drejtoresha e vaksinave të OBSH-së, Kate O’Brien, u bëri thirrje vendeve më të pasura që të vazhdojnë të dhurojnë doza për vendet e varfra.
