Organizata Botërore e Shëndëtesisë bëri të ditur se deri tani nuk është raportuar asnjë viktime nga Covid, si pasojë e variantit të ri Omicron.
Ishte vetë OBSH që e raportoi një gjë të tillë nëpërmjet një dokumenti teknik të hartuar mbi mutacionin e koronavirusit, në ditën kur pritet një mbledhje emergjente e Ministrave të Shëndetësisë së G7.
OBSH shton gjithsesi se nga të dhënat e para mendohet se Omicron ka probabilitet që të përhapet shumë më shpejt dhe kjo gjë mund të stimulojë një përhapje globale në kohë të afërt.
Më herët edhe virologet e njohur italiane kanë bërë të ditur se të paktën nga studimet e deritanishme mbi panoramen që Omicron ka treguar në Afrike, nuk mund të thuhet që ky variant ka pasoja më të rënda në organizëm në raport me variantet e njohura deri më tani.
Madje Franco Locatelli, drejtues i Këshillit Kombëtar të Shendetit në Itali i konsideroi të tepërta alarmed mbi Omicron.
