Ushtarët amerikanë që kanë “zbarkuar” në Siri po testojnë dylbinë e re elektronike të pushkës automatike, e cila nuk do t’i lejojë të qëllojnë derisa sistemi elektronik detekton dhe sigurohet që plumbi po godet objektivin.
Bëhet fjalë për dylbinë SMASH 200 që llogarit trajektoren e plumbit kur shkrepet mbi një objektiv të caktuar, duke u mundësuar ushtarëve që fillimisht “të shënjojnë” objektivin, dhe më pas të prekin një buton në afërsi të këmbëzës së pushkës.
Kur ushtari është i gatshëm të gjuajë, sistemi përcakton nëse shenja e tyre është në objektiv dhe nëse një gjë e tillë nuk është në rregull sipas përllogaritjeve, nuk do të shkrepet pushka edhe nëse këmbëza tërhiqet nga ushtari.
Në poligonin testues të ushtrisë amerikane al-Tanf në Siri në afërsi të vijës kufitare me Jordaninë dhe Irakun, ushtarët përdorën dylbinë SMASH 2000 për të vënë në shënjestër dronët e vegjël që lëviznin në qiell.
