![NATO shton mijëra trupa në kufirin lindor: Jemi në gatishmëri](https://www.vizionplus.tv/wp-content/uploads/2022/03/nato-1-711x400.jpg)
Ministrat e Mbrojtjes së NATO-së janë mbledhur në një takim urgjent në Bruksel për të diskutuar përshkallizimin e luftimeve në Ukrainë.
Sekretari i Përgjithshëm Jens Stoltenberg deklaroi se sulmet ruse në ukrainë kanë ndikuar në mënyrë direkte në sigurinë e evropës.
SEKRETARI I PERGJITHSHEM I NATO-s
JENS STOLTENBERG
“Kjo është shkatërruese për popullin ukrainas ndërsa ka ndikuar gjithashtu edhe tek ne. Do të ketë pasoja afatgjata për sigurinë tonë, për të gjithë aleatët e NATO-s. Ne duhet të përforcojmë mbrojtjen kolektive.Qindra mijëra trupa janë aktualisht në gatishmëri të shtuar. Masat e reja mund të përfshijnë më shumë forca në pjesën lindore të aleancës, në gatishmëri më të lartë dhe me më shumë pajisje të parapozicionuara.”
Advertisement
Shefi i aleancës u shpreh se blloku i sigurisë mbetet i bashkuar në mbështetjen për Ukrainën.
JENS STOLTENBERG
AdvertisementSEKRETARI I PERGJITHSHEM I NATO-s
“Që nga fillimi i pushtimit rus, aleatët kanë rritur ndjeshëm mbështetjen për popullin trim ukrainas, qeverinë dhe forcat e armatosura me pajisje ushtarake, ndihmë humanitare dhe financiare dhe strehim për miliona refugjatë. Bota po e dënon këtë luftë të pakuptimtë.”
Përpara takimit, Sekretari i Mbrojtjes i SHBA-së, Lloyd Austin siguroi që mbështetja e Uashingtonit ndaj aleancës mbetet e palekundur.
“Ne kemi qenë të qartë gjatë gjithë kësaj periudhe, se angazhimi ynë ndaj NATO-s, është i hekurt dhe ne do t’i përmbahemi këtij zotimi.”- u shpreh zyrtari amerikan .