Moti i keq “goditi” shumë rajone të Greqisë mesditën e sotme, 20 gusht.
Në shumë vende banorët janë përballur me breshër, stuhi dhe përmbytje, ndërsa në disa zona janë shfaqur edhe vetëtima.
Volos: Stuhi e fortë dhe vetëtima e vazhdueshme
Një stuhi shumë e fortë ka përfshirë Volosin dhe periferitë gjatë mbrëmjes së sotme.
Stuhia e cila nisi në orën 21:25 (me orën lokale), karakterizohet nga reshje shumë të dendura shiu, erë e furishme dhe vetëtima të vazhdueshme, të cilat e kanë kthyer qiellin nga nata në ditë.
Rrugët e Volosit nga reshjet e dendura të shiut janë kthyer në lumenj, ndërsa në pallate janë thyer tendat dhe dukshmëria është jashtëzakonisht e kufizuar në të gjithë zonën.
Në të njëjtën kohë dëgjohen sirenat e automjeteve të Zjarrfikësve duke nxituar drejt rasteve ku kanë marrë thirrje për ndihmë.
Breshër dhe reshje të shkurtra në Imathia
Shira dhe breshër intensiv kanë ndodhur mesditën e së martës në Imathi.
Sipas raportit emergjent të motit të lëshuar nga Shërbimi Kombëtar i Meteorologjisë priten reshje shiu dhe stuhi, të cilat lokalisht do të shoqërohen me frekuencë të lartë të vetëtimave.
Breshëri në Veria ka qenë me përmasa të vogla, ndërsa në fshatrat e Naousës, sipas informacioneve, ka rënë si “gurë”.
“Mali” me breshër në Trikala
Breshëri ka rënë gjatë ditës së sotme në Trikala, ndërsa nuk kanë munguar erërat e forta dhe stuhia e fortë, e cila ka shkaktuar dëme të shumta në qytet.
Stuhi afatshkurtër dhe breshër në Larisa
Siç raporton faqja larissanet.gr, rreth orës 17:00 ka nisur të bjerë shi i dendur në Larisa. Stuhia e cila zgjati më pak se gjysmë ore është shoqëruar me rrufe, bubullima dhe për disa minuta breshër në qytet. Disa pjesë të qytetit janë dëmtuar dhe disa rrugë janë përmbytur.
Προβλήματα μετά το πέρας της κακοκαιρίας στη Λάρισα: Δρόμος πλημμύρισε – Μεγάλο κλαδί δέντρου έσπασε και κάδοι αναποδογύρισαν (φωτό)https://t.co/GBTA057ZPV
— onlarissa.gr (@onlarissa) August 20, 2024
