Ministri i Mbrojtjes i Izraelit, Yoav Gallad, ka paralajmëruar se nëse shpërthen lufta me Hezbollahun, ushtria izraelite është e aftë të bëjë një “kërdi” të tillë në Liban, saqë do ta kthejë vendin fqinj “në Epokën e Gurit”.
Duke folur me gazetarët gjatë vizitës së tij në Uashington, Gallant këmbënguli megjithatë se qeveria Netanyahu preferon të gjejë një zgjidhje diplomatike për krizën kufitare izraelito-libaneze.
Që nga fillimi i luftës mes Izraelit dhe Hamasit më 7 tetor, pothuajse çdo ditë ka pasur armiqësi midis ushtrisë izraelite dhe Hezbollahut, i cili mbështet lëvizjen islamike palestineze.
Ministri izraelit i Mbrojtjes tha gjithashtu se gjatë kontakteve që ka pasur me zyrtarë të lartë amerikanë janë diskutuar propozimet për qeverisjen e Gazës së pasluftës, duke nënvizuar se do të jetë një “proces i gjatë dhe i ndërlikuar”./vizionplus.tv