Mbreti Charles është diagnostikuar me kancer , njoftoi Buckingham Palace në një deklaratë për shtyp mbrëmjen e kësaj të hëne. Monarku iu nënshtrua një ndërhyrje kirurgjikale nga prostata, por sipas Buckingham Palace tumori nuk është në këtë pjesë, por në një organ tjetër, që nuk e kanë specifikua.
Mbreti Charles ka nisur mjekimet, por ka shtyrë daljet publike.
“Gjatë procedurës së fundit spitalore të Mbretit për zgjerimin beninj të prostatës, u vërejt një çështje e veçantë shqetësuese. Testet e mëvonshme diagnostikuese kanë identifikuar një formë kanceri.
Madhështia e tij ka filluar sot një orar trajtimesh të rregullta, kohë gjatë së cilës ai është këshilluar nga mjekët që të shtyjë detyrat me publikun. Gjatë gjithë kësaj periudhe, Madhëria e Tij do të vazhdojë të ndërmarrë punët shtetërore dhe dokumentet zyrtare si zakonisht”, thuhet në deklaratë./vizionplus.tv