Ministrat e Jashtëm te BE janë mbledhur këtë të hënë në Luksemburg për të diskutuar mbi situatën e konfliktit –Izrael Hamas duke spostuar kështu në axhendë luftën në Ukrainë për herë të parë në 18 muaj.
Përpara nisjes së takimit shefi i diplomacisë së BE, Josep Borell iu bashkua thirrjeve për hapjen e korridoreve humanitare dhe futjen e ndihmave në Rripin e Gazës.
JOSEP BORRELL
SHEF I DIPLOMACISË SË BE
“Gjëja më e rëndësishme për momentin është mbështetja humanitare për Gazën. Në kohë normale, pa luftë , në Gaza futeshin 100 kamionë në ditë, kështu që është e qartë që 20 janë të pamjaftueshëm. Egjipti ka shprehur gatishmërinë për të lejuar të gjithë kamionët që janë në rradhë.”
20 kamionët e parë me ndihma humanitare mbërritën në rripin e Gazës të shtunën, pas dakordesimit të SHBA me qeverinë izraelite.
Deri me tani janë futur 3 ngarkesa të ndryshme me ndihma humanitare bazike, por organizatat i kanë konsideruar të pamjaftueshme.
Kombet e Bashkuara kanë deklaruar se ndihmat e tre ditëve të fundit janë sa 4% e ngarkesave që futeshin në rripin e Gazës në kohë normale.
